 |  |  |
 |  |  |
Bugun Xorazm viloyati Transport boshqarmasining majlislar zalida “Axborot texnologiyalari sohasidagi jinoyatlarga qarshi kurashishda amalga oshiriladigan chora-tadbirlar” mavzusida seminar-trening bo‘lib o‘tdi.
Viloyat Ichki ishlar boshqarmasining kiberxavfsizlik bo‘yicha mas’ul xodimlari tomonidan tashkil etilgan ushbu tadbirda sohaga oid dolzarb masalalar atroflicha muhokama qilindi. Trening davomida:
- Kiberjinoyatlarning oldini olish bo‘yicha maxsus taqdimotlar namoyish etildi;
- Firibgarlik tuzoqlaridan ogoh bo‘lishga chorlovchi qisqa videoroliklar havola qilindi;
- Ishtirokchilar o‘zlarini qiziqtirgan savollarga mutaxassislardan batafsil javob oldilar.
Tadbir yakunida zamonaviy axborot texnologiyalaridan foydalanishda xavfsizlik qoidalariga qat’iy rioya qilish yuzasidan zarur tavsiyalar berildi.