Xorazm viloyati transport boshqarmasi boshligʼi R.Babaev hamda viloyat Xorazm viloyati IIB Jamoat xavfsizligi xizmati, Yo‘l harakati xavfsizligi boshqarmasi boshlig‘i M.Xudoyberganov tomonidan jamoat transportlarida harakat xavfsizligi taʼminlashga qaratilgan yigʼilish boʼlib oʼtdi.
Yig‘ilishda harakat xavfsizligi taʼminlash maqsadida, viloyat hududida yo‘lovchi faoliyati bilan shug‘ullanuvchi korxonalarda avtotransportlarni saqlash, avtotransportni vositalarning texnik sozligi va haydovchini tibbiy ko‘rikdan o‘tkazish meʼyorlariga to‘liq amal qilinishi yuzasidan so‘z yuritildi.
Viloyat transport boshqarmasi hamda IIBB YHXB inspektorlari tomonidan joriy yilda oʼtkazilgan qoʼshma reyd tadbirlarida aniqlangan qonun buzilish holatlari va jamoat transportlari haydovchilari tomonidan yo‘l harakati qoidalarini qo‘pol tarzda buzish holatlari yuzasidan axborot berildi.
Jamoat transportlarida harakatlanganda qatnovlarni amalga oshirishganda yoʼl harakati xavfsizligi qoidalariga amal qilishlari va yo‘lovchilar xavfsizligini to‘liq ta’minlagan holda harakatlanish lozimligi yuzasidan topshiriqlar berildi.
Yig‘ilish davomida, tashuvchilar tomonidan berilgan takliflar tinglanib, o‘rganish talab etiladigan takliflar yuzasidan belgilangan tarzda o‘rganish ishlari olib borilishi tushuntirildi.